पालघर : अनेक वर्षांपासून सामाजिक कार्यातून लोकांची सेवा करणारे मुनाफ मेमन यांना प्रभाग क्रमांक ७ मधील नागरिकांनी विश्वासाने आपला प्रतिनिधी म्हणून निवडून दिले. पालघर नगर परिषदेत नगरसेवक म्हणून निवडून आल्यानंतर त्यांनी लोकांच्या प्रश्नांना प्राधान्य देत विविध विकासकामे आणि जनहिताच्या उपक्रमांना गती दिली आहे.
नगरसेवक मुनाफ मेमन हे सुरुवातीपासूनच समाजकार्यात सक्रिय असून नागरिकांच्या अडचणी सोडवण्यासाठी नेहमी पुढाकार घेताना दिसतात. प्रभागातील रस्ते, स्वच्छता, पाणीपुरवठा, तसेच नागरिकांच्या दैनंदिन समस्या सोडवण्यासाठी ते सातत्याने प्रयत्न करत आहेत.
स्थानिक नागरिकांच्या मते, मुनाफ मेमन हे सर्वसामान्यांच्या संपर्कात राहून त्यांच्या अडचणी ऐकून घेतात आणि प्रशासनाकडे पाठपुरावा करून त्या सोडवण्याचा प्रयत्न करतात. त्यामुळे प्रभाग क्रमांक ७ मधील नागरिकांमध्ये त्यांच्याबद्दल समाधान आणि विश्वास निर्माण झाला आहे.
“लोकांनी माझ्यावर दाखवलेला विश्वास ही माझ्यासाठी मोठी जबाबदारी आहे. पुढील काळातही प्रभागातील विकासकामे आणि नागरिकांच्या सेवेसाठी मी सतत प्रयत्नशील राहीन,” असे नगरसेवक मुनाफ मेमन यांनी सांगितले.
प्रभागातील नागरिकांच्या सहकार्याने विकासाची कामे अधिक वेगाने पूर्ण करण्याचा संकल्प त्यांनी व्यक्त केला असून, येणाऱ्या काळातही लोकसेवा आणि विकासकामांना प्राधान्य देणार असल्याचे त्यांनी स्पष्ट केले.